بسم الله الرحمن الرحيم
لو قريتي بس .. مافوق السطور
كان عمري مامضى كله كتابه
آه لو تدرين .. عن ذاك الشعور
آه لو قلبك على غفله درابه
آه لو تضوين ليل الحب نور
مثل شمسٍ نوّرت وجه السحابه
ماعرفت ان الحزن مثل السرور
قبل اعرفك ضحكة الفجر وغيابه
قلبي اللي نبض خفقاته غرور
ماسأل قلبك .. ولو حلمه جوابه
قلبي اللي يرسم لذكراك سور
مانسى ليلة نساك .. إلا عتابه
لا تظنين الوفا حيلة صبور
الحبايب صدقيني ماتشابه
للحقيقه عين ماتبكيك زور
والغلا مايروي الغالي سرابه
من يقابل لهفة الشوق بفتور
لا تعجب لو هجر زايره بابه
والغياب اللي تسمينه حضور
ما يليق بحضرة الحب وجنابه
لو تضيق بغلطتك صحرا الصدور
مانوى يشكيلك المجروح مابه
من كتبتك خفقةٍ بين السطور
ما كتبت إلا عن البعد وعذابه
وسلامتكم
موضوع: أجمل قصيدة قصيدة حضرة جناب الحب 
السبت نوفمبر 07, 2009 7:05 am
