بسم الله الرحمن الرحيم
رساله إلى نفسي
عـذّبـت سمعــك بصـــوت الــحب يا مـــنـادي
يا لـلــحـزن كـيف دمعـــك يبـكي عيــونـه
وعكّـــــــرت صفـو القـلـــوب وجـوها هـــادي
ذكـــّرتهــا بالـحـنـان وعـشــت مــن دونـه
مشـتـاق شـــوق المطـــر لمعــانـق الـوادي
ومحتـاج حـاجـة غـريــب الروح لشجــونـه
أسيــر الاحســـاس مثـل البـلـبـل الـشـادي
غـــرّد حـــزن والمـــلا طـربـان لـلــحــونـه
مـيــــــلاد صــوتـك يصــادف يـوم مـيـــــلادي
يا شـاعـر الحزن خـذت الــلـيل من لـــونـه
الحــــــب صــــــوتـك يـزف الـريـح لـلكــــادي
يـرقـص عـلى نفـحتـه ويعـــانق غصــونـه
الـحــــب دربـك وحــــزنـك شـكّـل ابعــــادي
الحــب منـطــق وقـمـة عقـــلـه جنـــونـه
قــلـــبٍ يـعــرف الـغـلا لا يمـــكـن يـعـــادي
لـو يصـبح المـوت عشـقـه حـاول يصــونـه
ومـن عـاش عـمــره وفـا .. ظن الـوفـا عـادي
لـو حــس بالـــحـب مـره حـــــرم يخــونـه
اسمـع صـدى صـــوت قلبك لـلهـــوى ينـادي
ينـطـق لـك الصمـت ويلـبي لك سكــونـه
هاا وش رايكم فيني
موضوع: رساله إلى نفسي 
السبت نوفمبر 07, 2009 6:46 am
