نصيب الغير

نصيب الغير

أقدر موقفك وأعـذرك..وأذكر عشرتك بالخير


وأكـرر شـكري وتقـدير قلـبي..يا بعـد قلبي

وأقول آسف على حزنك على بعدك على التقصير


حبيبـي ليه ألومك وأشتكي وأحمـلك ذنبي

أنا واضح..ولكن ماملك القـدره على التعبير


أمانه عش حياتك..واترك همومي تسافربي

حياتـك تسـتحق التضحية والصبر والتفكير


حرام يضيع حلـمك يارفيق الدرب..في دربي

أنا كان اعتـراضي كيف مثلك خانـه التقدير


كيـف تروح مافـكـرت في حــبك وفي حبي

بلحظة كيف صرت أقسى من الفرقا بلا تبرير


وأنا اللي ليلـة فراقـك بغيتـك تاقـف بجنبي

أذكـــرك بغـــلانا والغــلا ما ينـتـظـر تـذكـير


تذكر وانت في عـز الفــرح..إن الغـلا قـربي

تصـاحبك السلامة والأماني..يانصـيب الغير


أنـا كل الكـلام اللي بقــولـه.. يحفظـك ربي

وتبـقى أكبر وأكبر بعيـني..والزمـان صغير


ولـومـا قـلـت أحــبك..كل يـوم يقـولها قلبي

وسلامتكم

""والي يبي يرد على عيني وراسي""