المقادير:
علبه كيك بيتي كروكر
علبه قشطه
ثلاث ارباع كوب حليب سائل
فنجان قهوه سكر (فنجان قهوتنا مو التركية )
3 ملاعق طعام حليب بودره
ملعقة طعام نسكافيه الى مايحبها بلاش
واحد جالكسي ابو ريالين ساده
2
التحضير
جيبي صينيه التشيز كيك طبعا بتكون صغيره أصغر من الصينيه الى تسوين فيها الكيك دائما
وادهنيها بالزيت ورشيها بالدقيق وسوي الكيكه بنفس الطريقه المكتوبه في العلبه
ودخليها الفرن بس تكون النار صغيره شوي لأن صينية التشيز تكون رقيقه مو زي التيفال سميكه وخليها لمن تستوي
وهي في الفرن جيبي الخلاط
وحطي باقي المقادير فيه وكسري الجالكسي ولاتخلطين على طول اصبري شوي يذوب الجالكسي وبعد ماتستوي الكيكه طلعيها من الفرن وقربي الخلاط جنبك > جيبي ملعقه وشيلي من وسط الكيكه بس لاتوصلين اسفل الصينيه يعني خلي قاعده رقيقه شوي
والكيك الى تشيلينه على الخلاط مع الخلطه الى اول واخلطي على دفعات وشيلي واخلطي وكذا حتي تخلصين ويكون الخليط كريمي يعني زي اذا ماتحرك لك بسهوله حركي بالملعقه وشغلي الخلاط بعد ماينخلط تمام صبيه داخل الكيكه وساوي السطح
بعد ماتساوين السطح بالملعقه لو كانت الحواف مرتفعه شوي عن الوسط بشويش بالملعقه اضغطي عليها
بعد ماتخلصين دخليها الثلاجه لمدة ست ساعات بعدين زينيها باللوز المبشور أو حسب الرغبة
أو فليك ابيض فتفته في الكيس ورشيته عليها
أو اصابع رينجو
موضوع: كيكة الشوكلاتة 
الجمعة سبتمبر 11, 2009 10:59 am
